IJODIY KENGASHLARDA (2021 yil jahon adabiyoti jurnalida chop etilgan sheʼrlar tarjimasi xususida)

Аннотация

Avvalo shuni aytib oʻtsak, biz bugungi maʼruzamizda oʻz faoliyatini boshlaganiga chorak asr toʻlgan Jahon adabiyoti jurnalining 2021-yil sonlarida chop etilgan sheʼrlar xususida soʻz yuritar ekanmiz, mazkur tarjima namunalarini asliyat bilan solishtirib oʻtirmadik. Zero, bu ish tarjimashunoslik fanining ilmiy-amaliy tadqiqot ishi boʻlib, muallifdan alohida akademik yondashuvni talab qiladi. Biz taqdim etilgan nazmiy tarjimalarning oʻzbek tili badiiyati va uslubiga qay darajada muvofiqligi, erishilgan yutuqu kamchiliklar, shakliy oʻziga xosliklar hamda ularda ilgari surilgan gʻoyalarning mazmun-mohiyati haqidagi baʼzi qarashlarimizni bayon qilish bilan cheklandik.