SHARQ HIKOYATLARINING TIPOLOGIK XUSUSIYATLARI

Abstract

Maqolada Sharq epik asarlarida hikoyatning badiiy vazifalari, tadrij tamoyillari xususida fikr yuritilgan. Shuningdek, Fuzuliyning “Layli va Majnun”, “Bang-u Boda”, “Suhbatul-asmor” asarlaridagi hikoyatlar tizimining o‘ziga xos jihatlari tadqiq etilgan. Mazkur asarlarda hikoyatlar badiiy syujet shahobchalarini bir-biriga poetik bog‘lashda, voqeadan voqeaga o‘tishda, ijodkor konsepsiyasini yagona fokusda ifodalashda muhim poetik komponent ekanligi yoritilgan. Sharq mumtoz adabiyotida hikoyat yaqin va uzoq hayot ziddiyatlarini voqelantiruvchi adabiy hodisa sifatida mustaqil yoki katta epik asarlar tarkibida keladi. Hikoyat nafaqat, badiiy dostonlar tarkibida, balki ilmiy va tarixiy asarlarda ham keng qo‘llaniladi.